အောက်တိုဘာလ ၅ ရက်က မူဆယ်မြို့၊ မင်္ဂလာမူဆယ်အိမ်ရာအတွင်း ပစ်ခတ်မှုဖြစ်ပွားပြီး ထွက်ပြေးလွတ်မြောက်သွားသည့် လက်နက်ကိုင်အဖွဲ့၏ လက်နက်များအား ဟိုဆောင်နယ်မြေ၊ တော်ရွက်ရပ်ကွက်ရှိ လမ်းဘေးတွင် ဝှက်ထားကြောင်း တာဝန်သိပြည်သူတစ်ဦး၏ သတင်းပေးချက်အရ သွားရောက်ရှင်းလင်းခဲ့ရာ လမ်း၏ မီတာ ၉၀ ခန့်အကွာ ခြုံပုတ်အတွင်း၌ ဆာလာအိတ် ၂ အိတ်ဖြင့် ဝှက်ထားသည့်-
လက်နက် ၆ လက်( ပွိုင့်(၄၅) ပစ္စတို ၁ လက်၊ အမ်(၄) ကာဘိုင် ၁ လက်၊ ပွိုင့်(၃၈၀) ၁ လက်၊ ပွိုင့်(၂၂) ၁ လက်၊ အမ်(၂၁) ၁ လက်၊ ၁၂ ဘိုးလ် ၁ လက်) ၊ ကျည်အိမ် ၁ ခု၊ လက်ပစ်ဗုံး ၁ လုံးတို့အား ဖော်ထုတ်သိမ်းဆည်းရမိခဲ့ကြောင်း သိရှိရသည်။
