PNLO သည် ၂၀၁၅ ခုနှစ် အောက်တိုဘာ ၁၅ ရက်တွင် တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) ကို လက်မှတ်ရေးထိုးခဲ့သော တိုင်းရင်းသားလက်နက်ကိုင်အဖွဲ့အစည်းတစ်ခုဖြစ်သည်။
PNLO ဥက္ကဋ္ဌများအဖြစ် ဗိုလ်မှူးကြီးခွန်ဥက္ကာ၊ ခွန်မြင့်ထွန်းနှင့် ဗိုလ်မှူးကြီး ခွန်သူရိန်တို့သည် ၂ဝဝ၉ ခုနှစ်မှ ၂၀၂၃ ခုနှစ်အထိ အလှည့်ကျတာဝန်ယူခဲ့ကြကြောင်း ဗိုလ်မှူးကြီး ခွန်ဥက္ကာ၏ ထုတ်ပြန်ချက်တွင် ပါရှိသည်။
PNLO အနေဖြင့် NCA ကို ထိန်းသိမ်းလိုက်နာပြီး ပြည်သူလူထုအကျိုးကို ကြိုးပမ်းဆောင်ရွက်နေချိန်တွင် လက်ရှိဥက္ကဋ္ဌဖြစ်သူသည် စုပေါင်းဦးဆောင်မှုအရ မဟုတ်ဘဲ တစ်ဦးတစ်ယောက်သော သဘောထားဆန္ဒဖြင့် မူဝါဒအလွှဲသုံးစားပြုလုပ်ခဲ့ကြောင်း ဗိုလ်မှူးကြီးခွန်ဥက္ကာ၏ ထုတ်ပြန်ချက်တွင် ဖော်ပြထားသည်။
