စက်တင်ဘာလ ၅ ရက်နေ့မှုခင်းသတင်းများ

-စက်တင်ဘာ ၄ ရက် ၂၀၀၀ နာရီတွင် မုဒုံမြို့နယ်၊ နှီးပဒေါကျေးရွာတွင်နေထိုင်သော ဦးအောင်မင်းနိုင်သည် မိသားစုနှင့်အတူ နေအိမ်၌ရှိနေစဉ် အကြမ်းဖက်အဖွဲ့ PDF မှ ကျား ၄ ဦးမှ  ဆိုင်ကယ် ၂ စီးဖြင့် ရောင်းဒေါင်းကျေးရွာဘက်မှ ရောက်ရှိလာပြီး လက်နက်ငယ်ဖြင့် ၆ ချက်ခန့်ပစ်ခတ်၍ ရောင်းဒေါင်းကျေးရွာဘက်သို့ ထွက်ပြေးသွားခဲ့ရာ ဦးအောင်မင်းနိုင်၏ သားဖြစ်သူ နိုင်ဟဒက်(၃၀)နှစ်တွင် ဦးခေါင်းကျည်ထိမှန်ဒဏ်ရာဖြင့် သေဆုံးသွားခဲ့ကြောင်း သိရှိရပါသည်။

-စက်တင်ဘာလ ၄ ရက် ၁၄၄၅ နာရီတွင် ပေါက်မြို့နယ်၊ တပ်ကုန်းကျေးရွာနေ ဦးချစ်ခင်(၅၅)နှစ်သည် ကျေးရွာ၏အနောက် တောင်ဘက် မီတာ ၃၅၀ ခန့်အကွာ၌ နွားကျောင်းနေစဉ် PDF အကြမ်းဖက်အဖွဲ့မှထောင်ထားသည့် လက်လုပ် မိုင်း ၁ လုံးအား နင်းမိပေါက်ကွဲခဲ့ရာ ဦးချစ်ခင်တွင် ယာခြေဖမိုးပြတ်ထွက်ဒဏ်ရာ(စိုးရိမ်ရ)ရရှိခဲ့သဖြင့် ကျေးရွာ ရှိ ကြက်ခြေနီအဖွဲ့ဝင် ဦးမြင့်နိုင်မှ ဆေးကုသပေးလျက်ရှိကြောင်း သိရှိရ။