စစ်အုပ်ချုပ်ရေး(Martial Law) သတ်မှတ်နယ်မြေ ဧရိယာများတွင် ပြစ်မှုကျူးလွန် သူများကို စစ်ဆေးစီရင်ရာတွင် (အရပ်ဘက် တရားသူကြီးများအစား) စစ်ခုံရုံးများဖြင့် စစ်ဆေးကြားနာမှုများ ဆောင်ရွက်၍ သေဒဏ်၊ နှစ်အကန့်အသတ်မရှိ အလုပ်နှင့် ထောင်ဒဏ်၊ သက်ဆိုင်ရာပြစ်မှုအလိုက် သတ်မှတ်ထားသော အမြင့်ဆုံးပြစ်ဒဏ်များ ချမှတ်နိုင်ကြောင်း သိရှိရပါသည်။
စစ်ခုံရုံးဖြင့် စစ်ဆေးမည့်ပြစ်မှုများနှင့် အမြင့်ဆုံးပြစ်ဒဏ်များ
➡- နိုင်ငံတော်သစ္စာဖောက်ဖျက်ပုန်ကန်မှု(ရာဇသတ်ကြီးပုဒ်မ ၁၂၂)၊ (သေဒဏ်)။
➡- အစိုးရကို အကြည်ညိုပျက်အောင် ပြုလုပ်မှု (ရာဇသတ်ကြီးပုဒ်မ ၁၂၄-က)၊ (ထောင်ဒဏ် ၂၀နှစ်)။
➡- တပ်မတော် သို့မဟုတ် တရားဥပဒေစိုးမိုးရေးအဖွဲ့၏ ဆောင်ရွက်မှုကို နှောင့်နှေးစေခြင်း သို့မဟုတ် ပျက်ပြားစေခြင်း၊(ရာဇသတ်ကြီးပုဒ်မ ၁၂၄-ဂ)၊ (ထောင်ဒဏ် ၂၀နှစ်)။
➡- တပ်မတော်သားများ သို့မဟုတ် အစိုးရအမှုထမ်းများကို ဟန့်တားခြင်း သို့မဟုတ် နှောက်ယှက် ခြင်း(ရာဇသတ်ကြီးပုဒ်မ ၁၂၄-ဃ)၊(ထောင်ဒဏ် ၇ နှစ်)။
➡- ရာဇသတ်ကြီးပုဒ်မ ၅၀၅၊ အစိုးရဝန်ထမ်းတစ်ဦးအား ပြစ်မှုကျူးလွန်စေရန် တိုက်ရိုက် ဖြစ်စေ၊ သွယ်ဝိုက်၍ဖြစ်စေ ထိတ်လန့်စေခြင်း၊ သွေးထိုးလှုံ့ဆော်ခြင်း၊ မမှန် သတင်းများဖြန့်ခြင်း (ရာဇသတ်ကြီးပုဒ်မ ၅၀၅-က)၊ (ထောင်ဒဏ် ၃ နှစ်)။
➡- မတရားအသင်းအက်ဥပဒေအရပြစ်မှုများ၊ပုဒ်မ-၁၇(၁)၊၁၇(၂)၊(ထောင်ဒဏ် ၅ နှစ်)။
➡- လက်နက်အက်ဥပဒေအရပြစ်မှုများ၊ (သေဒဏ်)။
➡- လူသတ်မှု ရာဇသတ်ကြီးပုဒ်မ -၃၀၂ (သေဒဏ်)။
➡- လူသေမှု၊ ရာဇသတ်ကြီးပုဒ်မ -၃၀၄ (ထောင်ဒဏ် ၂၀ နှစ်)။
➡- မုဒိမ်းမှု၊ ရာဇသတ်ကြီးပုဒ်မ-၃၇၆ (ထောင်ဒဏ် ၂၀ နှစ်)။
➡- လုယက်မှု၊ ရာဇသတ်ကြီးပုဒ်မ- ၃၉၂ (ထောင်ဒဏ် ၁၄ နှစ်)။
➡- ဓားပြမှု၊ ရာဇသတ်ကြီးပုဒ်မ- ၃၉၅ (ထောင်ဒဏ် ၂၀ နှစ်)။
➡- အဂတိလိုက်စားမှု၊ပုဒ်မ-၅၅ ၊၅၆၊ ၅၇၊ ၅၈၊ ၅၉၊ ၆၀၊ ၆၁၊ ၆၂၊ (ထောင်ဒဏ်၁၅ နှစ်)။
➡- ၁၉၉၃ ခုနှစ်၊ မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေ အရ ပြစ်မှုများ၊ (နှစ်အကန့်အသတ်မရှိ ထောင်ဒဏ်)။
➡- ပြည်သူပိုင်ပစ္စည်းကာကွယ်ရေးအက်ဥပဒေအရ ပြစ်မှုများ၊ပုဒ်မ-၆(၁)၊ (ထောင်ဒဏ် ၇ နှစ်)။
➡- ၁၉၆၃ ခုနှစ်၊ အများနှင့် သက်ဆိုင်သော ပစ္စည်းများကာကွယ်စောင့်ရှောက်ရေး ဥပဒေအရ ပြစ်မှုများ၊ ပုဒ်မ-၃ (တသက်တကျွန်းဒဏ်)။
➡- သတင်းမီဒီယာဥပဒေအရ ပြစ်မှုများ၊ ပုဒ်မ-၂၅ (က)၊၂၅ (ခ) (ငွေဒဏ် ၁၀ သိန်း)။
➡- ပုံနှိပ်ခြင်းနှင့် ထုတ်ဝေခြင်းလုပ်ငန်းဥပဒေအရ ပြစ်မှုများ၊ ပုဒ်မ -၁၉ ၊ ၂၀ ၊ ၂၁ (ငွေဒဏ် သိန်း ၅၀)။
➡- ၁၉၄၇ ခုနှစ် မြန်မာနိုင်ငံလူဝင်မှုကြီးကြပ်ရေး (လတ်တလောပြဋ္ဌာန်းချက်များ) အက်ဥပဒေ အရ ပြစ်မှုများ။ လဝက အက်ဥပဒေပုဒ်မ-၁၃(၁)၊ ၁၃(၂)၊ ၁၃(၃)၊ ၁၃(၄)၊ ၁၃(၅)၊ ၁၃(၆)၊ ၁၃(၇)၊ ၁၅(၂)၊ ၁၆(၃)၊ (ထောင်ဒဏ် ၅ နှစ်)။
➡- အီလက်ထရောနစ်ဆက်သွယ်ဆောင်ရွက်ရေးဥပဒေအရပြစ်မှုများ၊ ပုဒ်မ- ၃၃ ၊ ၃၄၊ ၃၅ ၊ ၃၆၊ ၃၇၊ (ထေင်ဒဏ် ၇ နှစ်)။
➡- ရပ်ကွက်သို့မဟုတ်ကျေးရွာအုပ်စုအုပ်ချုပ်ရေးဥပဒေအရပြစ်မှုများ၊ ပုဒ်မ-၂၅ ၊ ၂၆၊ ၂၇၊ ၂၇-က၊ (ထောင်ဒဏ် ၁ နှစ်)။
➡- အကြမ်းဖက်မှုတိုက်ဖျက်ရေး ဥပဒေအရ ပြစ်မှုများ၊ ပုဒ်မ- ၄၉၊ ၅၀၊၅၁၊ ၅၂၊ ၅၃၊ ၅၄၊ (သေဒဏ်)။ တို့အား ချမှတ်နိုင်ကြောင်း သိရှိရပါသည်။
