တရုတ်သမ္မတ ရှီကျင့်ဖျင်သည် တရုတ်နိုင်ငံ၊ ပေကျင်းမြို့၌ မေလ ၈ ရက်ကပြုလုပ်သော (၁၀) ကြိမ်မြောက် ပြည်ပရောက် တရုတ်အဖွဲ့အစည်းများ ဆိုင်ရာ ချစ်ကြည်ရင်းနှီးမှုညီလာခံ ( Conference for Friendship of Overseas Chinese Associations) သို့တက်ရောက်ခဲ့ပြီး ကိုယ်စားလှယ်ခေါင်းဆောင်များနှင့် တွေ့ဆုံခဲ့ပါတယ်။ တရုတ်ကွန်မြူနစ်ပါတီ ဗဟိုကော်မတီ၏ ပေါ်လစ်ဗျူရိုအဖွဲ့ဝင်တစ်ဦးဖြစ်သူ ရှီတိုင်ဖောင်ကလည်း ၎င်းအစည်းအဝေးသို့ တက်ရောက်ခဲ့ပါတယ်။ ညီလာခံအား ကမ္ဘာ့နိုင်ငံများနှင့် တရုတ်နိုင်ငံတို့ကြား ချိတ်ဆက်ဆောင်ရွက်မှုများတိုးတက်ကောင်းမွန်လာစေရန်နှင့် လူသားအသိုက်အဝန်းအတွက် အနာဂတ်လုပ်ငန်းစဉ်များ နှီးနှောဖလှယ်နိုင်သော အသိုက်အဝန်းတစ်ခု တိုးမြှင့်တည်ဆောက်နိုင်ရေးတို့အတွက် ရည်ရွယ်ကျင်းပခဲ့ခြင်းဖြစ်ပြီး နိုင်ငံပေါင်း ၁၃၀ ကျော်မှ ပြည်ပရောက်တရုတ်အဖွဲ့အစည်း ကိုယ်စားလှယ်ခေါင်းဆောင် ၅၀၀ ဦးနီးပါး တက်ရောက်ခဲ့ကြောင်း သိရပါတယ်။
