အရွယ်ကျဆင်းလာတဲ့အခါ
လှပဖို့ဆိုတာထက်
ကျက်သရေရှိအောင်ပဲ
ဘ၀မှာ နေထိုင်တတ်ဖို့လိုပါတယ် ။
အဆင်မပြေမှုတွေကြုံလာတဲ့အခါ
အမြန်ပြေလည်ဖို့ဆိုတာထက်
အမှားလမ်းဘက် မရောက်အောင်
သတိထားပြီး လျှောက်ဖို့လိုပါတယ် ။
သတိတွေ ချော်လာတဲ့အခါ
ပျော်ရွှင်ဖို့ဆိုတာထက်
စိတ်ဓါတ်မကျအောင်ပဲ
ထိန်းသိမ်းတတ်ဖို့ လိုပါတယ် ။
နေချိန်တွေ နည်းလာတဲ့အခါ
အများအကြောင်းတွေ သိဖို့ထက်
ကိုယ့်အကြောင်းကိုယ်ပဲ
စိတ်၀င်စားတတ်ဖို့ လိုပါတယ် ။
ဆုတ်ယုတ်လာတဲ့အခါ
အခြံအရံအဖော်တွေရှိဖို့ဆိုတာထက်
တရားအသိလေးတွေနဲ့
ကိုယ့်မှာ အားကိုးရာရှိဖို့လိုပါတယ် ။
🙏🙏🙏 သာရ ဂ ဝေ သီ🙏🙏🙏
