ပရီးမီးယားလိဂ်ထိပ်သီးကလပ်အာဆင်နယ်အသင်းရဲ့ အမ်းမာရိတ်စ်ကွင်းမျက်နှာစာ Artwork မှာ မြန်မာ နိုင်ငံကိုယ်စားပြု Arsenal Myanmar Logo ဖော်ပြခြင်းခံခဲ့ရပြီး မြန်မာနိုင်ငံရှိ အာဆင်နယ်အသင်းအားပေးသူ ပရိသတ်များအတွက် ဂုဏ်ယူစရာအခိုက်အတံ့တစ်ခုဖြစ်လာခဲ့ပါတယ်။
အာဆင်နယ်အသင်းရဲ့ ကွင်းမျက်နှာစာ Artwork ဖော်ပြချက်တွင် ကမ္ဘာ့နိုင်ငံအသီးသီးမှာရှိတဲ့အသင်းအား ပေးသူပရိသတ်အဖွဲ့များရဲ့ အမှတ်အသားများ၊ အလံများ၊ LOGO များကို ဖော်ပြခဲ့ခြင်းဖြစ်ပြီး ယင်းထဲတွင် Arsenal Myanmar က ပါဝင်ခွင့်ရရှိခဲ့တာဖြစ်ပါတယ်။
Arsenal Myanmar အဖွဲ့အနေဖြင့် မြန်မာနိုင်ငံသား အာဆင်နယ်အသင်းပရိသတ်များကို စုဖွဲပြီး ဖန်အဖွဲ့တ ည်ထောင်ထားသလို Royal Gunners အမည်ဖြင့် အာဆင်နယ်အသင်းအားပေးသူစစ်စစ်များသာပါဝင်တဲ့ အပျော်တမ်းဘောလုံးအသင်းကိုပါတည်ထောင်ထားတဲ့အဖွဲ့လည်းဖြစ်ပါတယ်။
လက်ရှိမြန်မာနိုင်ငံမှာ အင်္ဂလန်အခြေစိုက်ကလပ်အသင်းများရဲ တရားဝင်အသိအမှတ်ပြု ဖန်ကလပ်အဖွဲ့ ၅ ဖွဲ့အထိရှိနေခဲ့ပြီး ချဲလ်ဆီး၊ လီဗာပူး၊ အာဆင်နယ်၊ မန်ချက်စတာယူနိုက်တက်နဲ့ မန်ချက်စတာစီးတီးအသင်းတို့ ရဲ့ Official Fan Club များအဖြစ် ရှိနေခဲ့တာပါ။
