ထိုင်းနိုင်ငံတွင် လက်ရှိကျင်းပနေသည့် ၂၀၂၄ အာဆီယံဖူဆယ်ချန်ပီယံရှစ်ပြိုင်ပွဲ အုပ်စုအဖွင့်ပွဲစဉ်၌ မြန်မာဖူဆယ်လက်ရွေးစင်အသင်းသည် အာရှအင်အားကြီး ဩစတြေးလျအသင်းကို သရေရလဒ် ထွက်ပေါ်အောင် ကစားနိုင်ခဲ့သည်။
မြန်မာဖူဆယ်လက်ရွေးစင်အသင်းနှင့် ဩစတြေးလျလက်ရွေးစင်အသင်းတို့သည် ယနေ့ မနက် (၁၀)နာရီက ထိုင်းနိုင်ငံ၊ Terminal 21 Korat venue တွင် ကစားခဲ့ကြပြီး (၃) ဂိုးစီ သရေကျခဲ့ကြသည်။
အာဆီယံဖူဆယ်ပြိုင်ပွဲ၌ မြန်မာအသင်းသည် အုပ်စု (ခ) ၌ ဩစတြေးလျ၊ ကမ္ဘောဒီးယား၊ အင်ဒိုနီးရှားအသင်းတို့နှင့် တစ်အုပ်စုတည်း ကျရောက်နေကာ မနက်ဖြန် နိုဝင်ဘာ (၅) ရက်၌ ကမ္ဘောဒီးယားအသင်းနှင့် ဆက်လက်ယှဉ်ပြိုင်ရမည် ဖြစ်ကြောင်း သိရသည်။
ယခုပြိုင်ပွဲတွင် မြန်မာဖူဆယ်လက်ရွေးစင်အသင်းကို ထိုင်းလူမျိုးနည်းပြ Mr. Bunlert Cheorawong က တာဝန်ယူကိုင်တွယ်နေပြီး အုပ်ချုပ်နည်းပြ (၁၀) ဦး ကစားသမား (၁၄) ဦးဖြင့် ပါဝင်ယှဉ်ပြိုင်နေခြင်း ဖြစ်သည်။
